આજે ધનતેરસ, ચાર શુભ યોગના કારણે આ પાંચ રાશિના જાતકોને થશે ધનલાભ, કરિયર-લાઇફ પાર્ટનર પણ આપશે સાથ

Dhanteras 2024 Shubh Yog: આજે ઘનતેરસ છે અને આ વખતે ધનતેરસના દિવસે 100 વર્ષ પછી એક દુર્લભ સંયોગ બનવા જઈ રહ્યો છે, ધનતેરસના દિવસે ત્રિપુષ્કર યોગ, ઇન્દ્ર યોગ, લક્ષ્મી નારાયણ યોગ, શશ મહાપુરુષ રાજયોગ, કુલ ચાર શુભ સંયોગો બની રહ્યા છે. 

ઇન્દ્ર યોગ - 28 ઑક્ટોબર 2024, સવારે 6.48 - 29 ઑક્ટોબર 2024, સવારેના 07.48 સુધી 

ત્રિપુષ્કર યોગ - 29 ઑક્ટોબર 2024, સવારે 6.31-10.31

લક્ષ્મી-નારાયણ યોગ - ધનતેરસના દિવસે વૃશ્ચિક રાશિમાં શુક્ર અને બુધ એક સાથે બિરાજમાન રહેશે,  આ સમયે લક્ષ્મી નારાયણ યોગ બનશે. આ યોગના પ્રભાવથી ધનની સાથે સાથે બુદ્ધિમાં પણ વધારો થાય છે. 

શશ મહાપુરુષ રાજયોગ - ધનતેરસના દિવસે શનિ પોતાની મૂળ ત્રિકોણ રાશિ કુંભ રાશિમાં હશે, જેના કારણે શશ મહાપુરુષ રાજયોગ બની રહ્યો છે. આવી સ્થિતિમાં તમને શનિની કૃપા પણ મળશે. તે પાંચ રાશિના લોકોને અપાર સંપત્તિ, કીર્તિ અને ખુશીઓ પણ આપશે.

મેષ રાશિ

ધનતેરસ મેષ રાશિના લોકોને ઘણું ધન આપી શકે છે. વેપારીઓને ઘણી કમાણી થશે. સમાજમાં માન-સન્માન વધશે. પરિવારમાં દરેકનો સહયોગ મળશે. નવા કાર્યની શરુઆત કરવા માટે સમય શુભ છે.

વૃષભ રાશિ

આ ધનતેરસ પર તમને છેલ્લા કેટલાક દિવસોમાં કરેલી મહેનતનું સારું પરિણામ મળશે. શનિદેવ તમને નવી તકો આપશે. બેરોજગારોને રોજગાર મળશે. પરિવાર સાથે સારો સમય પસાર થશે.

આ પણ વાંચો: સોનું-ચાંદી જ નહીં ધનતેરસે આ વસ્તુઓની ખરીદી પણ મનાય છે શુભ, મળશે મા લક્ષ્મીના આશીર્વાદ

કન્યા રાશિ

કન્યા રાશિવાળા લોકોને તેમના કામમાં સફળતા મળશે. સમસ્યાઓ દૂર કરવાનો સમય આવી ગયો છે. તમને તમારા કરિયરમાં પ્રગતિ જ નહીં, પણ ઇચ્છિત પદ અને પૈસા પણ મળશે. નોકરી બદલવાનું સપનું પૂરું થશે. જીવન સાથી સાથે સંબંધ વધુ મજબૂત બનશે.

કુંભ રાશિ

કુંભ રાશિના લોકો માટે આ ધનતેરસ સુખ, સૌભાગ્ય અને સમૃદ્ધિ લઈને આવી છે. પડકારો અને સમસ્યાઓનો અંત આવશે અને તમે સફળતાનો સ્વાદ ચાખશો. નોકરી કરતાં લોકોને બોનસ મળી શકે છે. તમારા કામની પ્રશંસા થશે. અંગત જીવન પણ સારું રહેશે.

મકર રાશિ

આ ધનતેરસ તમારા ધનમાં વધારો કરશે. પૈતૃક સંપત્તિથી લાભ થશે. પ્રમોશન મળશે. આ તહેવારોની સિઝનમાં વેપારી લોકોને ઘણો ફાયદો થશે. તેની સકારાત્મક અસર તમારા વર્તનમાં પણ જોવા મળશે.