આણંદ જિલ્લામાં ડૉક્ટરો હડતાળ પર ઉતર્યા, ઓપીડી સેવા ખોરવાઇ

- કોલકાતાની ઘટનાને લઇને રેલી યોજી વિરોધ દર્શાવ્યો

- જિલ્લાભરમાં શનિવારે દર્દીઓ હાલાકીમાં મુકાયા

આણંદ જિલ્લાના મોટાભાગના સરકારી અને ખાનગી દવાખાનાના તબીબો હડતાળ પર ઉતરી જતાં તાવ, શરદી, ઉધરસ, ઝાડા-ઉલટી, શરીરમાં દુઃખાવો સહિતના દર્દીઓને હાલાકી વેઠવાનો વારો આવ્યો હતો.  આ અંગે ડોક્ટર એસોસિએશનના ડો. વિજય ઠાકરે જણાવ્યું હતું કે, જિલ્લામાં ઈમરજન્સી સેવાઓ જેવીકે, સિઝેરીયન, હાર્ટ એટેક, જીવલેણ અકસ્માત સહિતની ઘટનાઓમાં દર્દીનો જીવ બચાવવાની શક્યતા હશે તો ડોક્ટરો દર્દીની સારવાર કરશે. પેટલાદના ડોક્ટરો પણ હડતાળમાં જોડાયા હતા.