આણંદ જિલ્લામાંથી વધુ 5 વ્યક્તિ લાપતા થયાની ફરિયાદ

- ખટનાલની પરિણીતા પુત્રી સાથે, મોગરી અને ખંભાતની પરિણીતા અને વઘાસીના અસ્થિર મગજના વૃદ્ધ ગુમ

ખટનાલ ગામે રહેતી કિન્નરીબેન ધવલકુમાર પટેલ ગત તા.૧૮ના રોજ પોતાની ત્રણ વર્ષીય પુત્રીને લઈ ઘરેથી નીકળ્યા બાદ ક્યાંક ચાલી ગઈ હતી. તેમજ વઘાસી ગામે રહેતા અસ્થિર મગજના અશોકભાઈ વિઠ્ઠલભાઈ પટેલ (ઉં.વ.૬૮) તા. ૧૪ના રોજ ઘરેથી ક્યાંક ચાલ્યા ગયા હતા.  તેમજ મોગર ગામના રાણાવાડમાં રહેતા રૂબીનાબેન હુસેનભાઈ મલેક (ઉં.વ. ૪૪) તા. ૨૧ના રોજ પોતાના ઘરેથી કોઈને જાણ કર્યા વિના ચાલ્યાં ગયાં હતાં. જ્યારે ખંભાતના દહેવાણમાં રહેતા ફાલ્ગુનીબેન હિતેનભાઈ શાહ (ઉં.વ.૫૨) તા. ૨૩ના રોજ ક્યાંક ચાલી જઈ લાપતા થયાં હતાં.