આણંદ જિલ્લામાં 6 મહિનામાં પુખ્તવયની 278 વ્યક્તિઓ ગુમ

- 200 વ્યક્તિ પરત મળી આવી, હજૂ 78 લાપતા

- અકસ્માતમાં મૃત્યુ પામેલા વ્યક્તિઓની ઓળખવિધીના આધારે તપાસ હાથ ધરાય છે

ગુમ થયેલા વ્યક્તિઓની શોધખોળ હાથ ધરવા છતાં મળી ન આવતા કેટલાકના અકસ્માતે મોત નિપજ્યા હોવાની આશંકા પોલીસે વ્યક્ત કરી હતી. આ અંગે મિસિંગ સેલ દ્વારા અજાણ્યા યુવક-યુવતીઓના અકસ્માતે મોત થયા હોય તેમની ઓળખવિધિ કરી તપાસ હાથ ધરવામાં આવતી હોય છે. કેટલીક વખત સ્પર્ધાત્મક પરીક્ષા સહિતની પરીક્ષાની તૈયારી કરી રહેલા વ્યક્તિઓને સફળતા ના મળે કે કોઈ ઠપકો આપે, દેવુ વધી જાય તેવા સંજોગોમાં વ્યક્તિ નદીઓમાં કે રેલવેના ટ્રેક પર ઝંપલાવી આપઘાત કરતા હોય છે. ત્યારે આવા મૃતદેહોની ઓળખ થવી મુશ્કેલ હોવાનું પોલીસ સૂત્રોએ જણાવ્યું હતું.