સુપરસ્ટાર અલ્લુ અર્જુન ઘણાં સમયથી ‘રાકા’ નામની સાઇ-ફાઇ એક્શન ફિલ્મ પર કામ કરી રહ્યા છે. ચાહકો પણ આ ફિલ્મની કાગડોળે રાહ જોઈ રહ્યા છે. આ ફિલ્મની રિલીઝને હજુ વાર છે પણ તે પહેલાં જ આ ફિલ્મે એક મોટો રેકોર્ડ બનાવ્યો છે. આ મૂવીનું નામ ગિનીસ બુક ઓફ વર્લ્ડ રેકોર્ડમાં નોંધાઈ ગયું છે. તેણે સૌથી વધુ લોકોના મોશન કેપ્ચરનો ગિનીસ બુક ઓફ વર્લ્ડ રેકોર્ડ બનાવ્યો છે.  એકસાથે 37 કલાકારોનું રિયલ-ટાઇમ મોશન કેપ્ચર કરીને આ રેકોર્ડ બનાવવામાં આવ્યો છે. જે ભારતીય સિનેમા માટે મોટી ટેક્નિકલ સિદ્ધિ માનવામાં આવી રહી છે.