Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Enable Social Reading
No, Thanks

ઉનાળામાં કેટલીવાર નહાવું જોઈએ?

- ઉનાળામાં નહાવાનું ટાળતા લોકોને બીજા લોકોની સરખામણીએ લૂ લાગવાની શક્યતા વધી જાય છે અને એ તો બધાં જ જ

માણસે નિરોગી રહેવા દરેક ઋતુઓમાં સ્નાન કરવું જ જોઈએ, પણ ધોમધખતા ઉનાળામાં સ્નાનનું મહત્ત્વ ખૂબ જ વધી જાય છે. જો વ્યક્તિ તંદુરસ્ત હોય, તો ગમે તે સ્થિતિમાં તેણે દરરોજ નિયમિત નહાવું જોઈએ. આનાથી તે તાજગી અનુભવશે ને મોટા ભાગના રોગોથી બચી શકશે.

કેટલાક લોકોની પ્રકૃતિ જ એવી હોય છે કે શિયાળા અને ચોમાસામાં તેમને ખૂબ ઠંડી લાગતી હોય છે. કડકડતી ઠંડી તો તેમને માટે અસહ્ય હોય છે જ, પરંતુ ચોમાસામાં એકધારા વરસાદમાં પણ તે ઠંડીથી ધૂ્રજતા હોય છે. આ સર્દીના કોઠાવાળા લોકો માટે ભાગે નહાવાનું ટાળતા હોય છે, તેમાંથી કેટલાકને તો ઉનાળામાં પણ નહાવું નથી ગમતું, એમને મન નહાવું એ કંટાળાજનક કામ છે. તેમના માનવા પ્રમાણે સ્નાન કરવું એટલે વખત બગાડવો. આવા લોકોને ઉનાળામાં નહાવંુ કેટલું જરૃરી છે, તેનો ખ્યાલ નથી હોતો. ઉનાળામાં પણ નહાવાનું ટાળતા લોકોને ઘણી જાતનાં નુકસાન સહન કરવા પડે છે.

ઉનાળામાં ન નહાવાથી અનેક નુકસાન થાય છે. ઉનાળામાં ન નહાવાનો અર્થ છે, રોગને આમંત્રણ. ઋતુ ગમે તે હોય, પણ સ્નાન ન કરવાથી શરીર પર મેલના થર જામવા લાગે છે અને ઉનાળામાં તો આ ત્રાસ ખૂબ જ વધી જાય છે. વળી, ઉનાળામાં પરસેવો વધુ વળે, તેથી આ સમસ્યા પણ વધુ જોર પકડે છે. ઉનાળામાં તમે જો દરરોજ એક-બે વાર સ્નાન કરો, તો તમારો પરસેવો ધોવાઈ જશે અને રોમછિદ્રો પણ ખૂલી જશે, પણ જો તમે સતત અમુક દિવસ સુધી ન નહાવ, તો રોમછિદ્રો બંધ થઈ જશે, શરીર પર મેલનાં થર જામતાં જશે. તેના પરિણામે અળાઈઓ, ફોલ્લીઓ થશે અને ખંજવાળ આવશે. સ્નાન ન કરનારી વ્યક્તિને દાદર કે ખરજવું પણ થઈ શકે છે. સામાન્ય રીતે દાદર કે ખરજવું જો એકવાર થાય, તો તેને મટાડતાં નાકે દમ આવી જાય છે.

ઉનાળામાં શરીરની ગંદકીને લીધે ઘણી વાર ફોલ્લીઓ અને ગૂમડાં એટલાં વધી જાય છે, જેના કારણે વ્યક્તિને તાવ પણ આવી જાય છે. ગૂમડાને લીધે જે જખમ થયો હોય, ત્યાંથી બધી જ બીમારીઓનાં જંતુ સહેલાઈથી શરીરમાં પ્રવેશ કરી શકે છે.

ઉનાળામાં નહાવાનું ટાળતા લોકોને બીજા લોકોની સરખામણીએ લૂ લાગવાની શક્યતા વધી જાય છે અને એ તો બધાં જ જાણે છે કે લૂનો પ્રકોપ કોઈ વાર જીવલેણ પણ સાબિત થાય છે.

એ એક હકીકત છે કે ઉનાળામાં ઠંડા પાણીની વાછટ તબિયત ખુશ કરી નાખે છે. ઉનાળાની ગરમીમાં શેકાતા માણસને નહાવાની કલ્પના જ આનંદિત કરી નાખે છે. મે - જૂનના ધોમધખતા ઉનાળામાં ફક્ત એક  જ વાર સ્નાન કરીએ, એ પૂરતું નથી. દિવસમાં ૪-૫ વા નહાવાનું અને લાંબા સમય સુધી પાણીમાં પડયા રહેવાનું મન થાય છે. અને જ્યારે જ્યારે સ્નાન કરીએ, ત્યારે તનમનમાં એક અનોખી તાજગી આવી જાય છે.

જોકે ઉનાળામાં તમે દરરોજ ૪-૫ વખત નહાવ, તેથી કોઈ નુકસાન તો ન થાય, પણ કામધંધે જવાનું હોય અને સમય ઓછો મળતો હોય, ત્યારે આમ કરવું શક્ય નથી. આવી સ્થિતિ હોય ત્યારે ઓછામાં ઓછું સવારે એક વાર અને સાંજે કામધંધાથી પાછા આવ્યા પછી એક વાર તો જરૃર નહાવું જોઈએ. પતિ મહાશયને તો દિવસમાં  ફક્ત બે જ વાર નાહવાનો લાભ મળશે, કેમ કે બપોરે નહાવાની સગવડ કોઈપણ ઑફિસમાં નહિ હોય, પણ ગૃહિણીઓ કાળઝાળ ઉનાળાની ગરમીથી બચવા સવાર-સાંજ ઉપરાંત બપોરે પણ થોડો સમય કાઢીને સ્નાનની મજા માણી શકે છે. ઉનાળામાં બાળકો સાંજે શાળાએથી છૂટીને આવે, ત્યાર બાદ થોડી વાર પછી તેમને નવરાવી શકાય અને નટખટ બાળકો તો સવારથી રાત સુધીમાં સમય કાઢીને ચાર-પાંચ વાર સ્નાન કરી જ લેતાં હોય છે.
- ઇશિતા

Post Comments