Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Enable Social Reading
No, Thanks

ઍનકાઉન્ટર - અશોક દવે

હનીપ્રિતની ધરપકડ વિશે શું માનો છો ?

- થેન્ક ર્ગોડ...એણે હજી સ્ત્રીઓની છેડતીનો કેસ કરી દીધો નથી.
(જગદીશચંદ્ર, પરમાર, ભરૃચ)

... 'દુનિયા મેં કિતને ગમ હૈ...મેરે કિતને કમ હૈ'... આ વાક્ય ઉપર શું કહેવું છે?

- તે હશે... પણ મેરે તો બહુ
વધારે હૈં...!
(લલિત ઇન્દ્રવદન દોશી, કરજણ)

નોટબંધીને વર્ષ પૂરું થઇ ગયું... હવે ?

- વૉટબંધી.
(ભૂપેન્દ્ર બી.પંડયા, જૂનાગઢ)

માણસના પૂર્વજ વાંદરા હતા, પણ વાંદરાના પૂર્વજો કોણ ?

- હું કોઈની પર્સનલ લાઈફમાં માથું નથી મારતો.
(રીયાંશી પી. ભટ્ટ, જૂનાગઢ)

પૈસા વધારે મહત્ત્વના કે સંસ્કાર ?

- મને તો એટલી ખબર છે કે, સંસ્કારથી પૈસા ખરીદી શકાતા નથી.. ને પૈસો  હોય તો સંસ્કારને કોણ પૂછે છે ?
(હરદીપગીરી ગોસ્વામી, જૂનાગઢ)

કોલેજ કેન્ટીન અને હોસ્પિટલની કેન્ટીન વચ્ચે શું ફર્ક ?

- પેમેન્ટનો ! હોસ્પિટલની કેન્ટીનનાં બિલો ચૂકવીને હોસ્પિટલમાં દાખલ થવું પડે છે.
(મૂકેશ ચોરડીયા, સુરત)

તમને ભગવાન રસ્તામાં મળે તો શું માંગો ?

- એમનો મોબાઈલ નંબર...!
(મીના ચૌહાણ, અમરેલી)

આપણા દેશમાં હિંદુ, મુસલમાન, કિશ્ચિયન કે શિખ્ખો છે... એમાંથી ભારતીય કોણ ?

- બધા
(ભરત જે. વાધેલા, મંડાલી- મહેસાણા)

આજકાલ તમે પણ દાઢી વધારો છો, એ વાત સાચી ?

- ના. મારે તો કાળી આવે છે.
(પુરંજય જોશીપુરા, અમદાવાદ)

ડેરાના રામ- રહિમ અને 'પ્લેબોય'ના હ્યૂ હેફનર વચ્ચે શું તફાવત ?

- બન્નેમાં આપણે જોઈને રાજી થવાનું !
(રોહિત દરજી, હિમતનગર)

પેટ્રોલના ભાવ...

- સાઇકલ લઈ આવો.
(મિહિર ગજેરા, સુરત)

હાથ ઊંચા કરીકરીને બોલેલું જૂઠ્ઠું કેટલું ચાલે ?

- બસ. આપણી આઝાદીને ૭૦ વર્ષ થયાં.
(અ.રહેમાન બોગલ, ગોધરા)

ભારતમાં દિવાળી, હોળી કે ઉત્તરાયણની ઉજવણીઓ ઉપર જ પ્રતિબંધ... ?

- દેશમાં બધા વૈષ્ણવ છે, પટેલ છે, બ્રાહ્મણ છે... હિંદુ ક્યાં છે ?
(દીપ્તિ ચેતન દવે, અમદાવાદ)

તમને જવાબો આપવાના પૈસા મળે છે, તો અમને સવાલ પૂછવાના કેમ નહિ ?

- આપણા દેશમાં સવાલો ઊભા કરનારા સવા-સો કરોડ છે... જવાબ આપનાર એક જ !
(નિકુંજ ભટ્ટ, ભાવનગર)

તમને નથી લાગતું, સવાલ સાથે અમારા ફોટા ય મૂકવા જોઈએ ?

- વાચકોને એમ ને એમ હસવા દો ને.. !
(મીરા ગોહેલ, ભાવનગર)

'એનકાઉન્ટર' માં તમારે મને સવાલ પૂછવાનો હોય તો કયો પૂછો ?

- 'હવે મટી ગયું ?
(દેવ શુકલ, ભાવનગર)

ગુજરાતમાં દારૃબંધી ક્યાં છે ? એક ગામ તો બતાવો !

- જે ગામમાં હોય, ત્યાં કોઈ જાય ખરું ?
(કિરીટગીરી ગોસાઈ, ખેરવા- મહેસાણા)

ચીનમાં સિંહોનાં નાક કેવાં હશે ?

- અડી આવો.
(સ્મિત આચાર્ય, અમદાવાદ)

ફૂટબોલનો 'ફિફા વર્લ્ડ કપ... અન્ડર-૧૭ હોય છે, પણ અન્ડર-૧૯ કેમ નહિ ?

- 'સ્વિટ- સૅવન્ટીન સારું લાગે... 'નવર્સ- નાઈનટીન નહિ !
(મૂકેશ કે. શાહ, અમદાવાદ )

પોપટલાલનાં લગ્ન થશે ?

- ચાંદલો કરવો પડે, એવો કોઈ પ્રસંગ મને ગમતો નથી.
(વિશાલ કુમાવત, નવસારી)

અમદાવાદની ટ્રાફિક- સેન્સ ઉધારવા કોઈ ઉપાય ?

- નવી મુંબઈ કે નવી દિલ્હીની માફક 'નવું અમદાવાદ' આકાર લેશે.
(તપન ખત્રી, અમદાવાદ )

તમને જવાબો આપવાની શું ફીલિંગ થાય ?

- એ જ કે, આનો જવાબ શું આપવો !
(રાકેશ રાઠોડ, કુકસવાડા, માળિયા- હાટિના)

આજકાલ કેજરીવાલનું મોંઢું બંધ છે ને રાહુલબાબાનું ખૂલ્યું છે...

- કેજરી કરતાં રાહુલ વધુ સેન્સિબલ તો છે !
(અમિત શર્મા, આણંદ)



 

Post Comments