Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Enable Social Reading
No, Thanks

મોદી સરકારના ૪૪ મહિનાના શાસનમાં ૨૮૬ જવાન શહીદ, ૧૩૮ નાગરીકોના મોત

- જવાનો શહીદ થઇ રહ્યા છે, મોદી મૌન છે : કોંગ્રેસ

- ૪૪ મહિનામાં યુપીએના કાર્યકાળમાં ૫૪૩ જ્યારે મોદી સરકારના શાસનમાં ૨૫૫૫ વખત પાકિસ્તાને શસ્ત્ર વિરામનો ભંગ કર્યો

- મોદીની દરેક સુરક્ષા નિતિ સંપૂર્ણપણે નિષ્ફળ,  કાશ્મીરમાં આતંકી હુમલા અને પાક.નો શસ્ત્રવિરામ ભંગ વધ્યો

નવી દિલ્હી, તા. ૧૪ ફેબ્રુઆરી 2018, બુધવાર

કોંગ્રેસે વીવીધ મુદ્દે ભાજપ અને વડા પ્રધાન નરેન્દ્ર મોદીને ઘેર્યા હતા. મોદી સરકારની ખોટી નીતીઓને કારણે જ વિદેશી સંબંધોમાં તકરાર આવી છે, અને બીજી તરફ દેશમાં આતંકી હુમલાની સાથે સરહદે ગોળીબારનંુ પ્રમાણ પણ વધ્યું છે, જે માટે મોદી સરકારની ખોટી નીતીઓ જવાબદાર છે. રાષ્ટ્રની સુરક્ષાના મુદ્દા ઉઠાવીને કોંગ્રેસે વડા પ્રધાન નરેન્દ્ર મોદીની પાસેથી આ દરેક મુદ્દે કોંગ્રેસે જવાબ માગ્યો છે. સાથે આરોપ લગાવ્યો છે કે દેશમાં દરરોજ સુરક્ષા સાથે બાંધછોડ કરવામાં આવી રહી છે તેને કારણે લોકોનો જીવ જોખમમાં મુકાયો છે.

કોંગ્રેસના પ્રવક્તા અભિષેક સિંઘવીએ જણાવ્યું હતું કે હાલ બહુ જ ચિંતાજનક સ્થિતિ છે, કાશ્મીરમાં રોજ આપણા જવાનો શહીદ થઇ રહ્યા છે, સરહદે પણ ગોળીબાર વધ્યો છે. દરરોજ લોકોની સુરક્ષાની સાથે સરકાર દ્વારા બાંધછોડ થઇ રહી છે. મોદી સરકારના ૪૪ મહિનાના કાર્યકાળમાં ૨૮૬ જવાનો શહીદ થયા છે જ્યારે ૧૩૮ નાગરીકોના મોત નિપજ્યા છે. જ્યારે યુપીએના શાસનમાં ૪૪ માસમાં ૧૧૫ જવાનો શહીદ થયા હતા અને ૭૨ નાગરીકોના મોત નિપજ્યા હતા. આમ અમારા શાસનમાં જેટલા જવાનો શહીદ થયા હતા તેનાથી બે ગણા મોદી સરકારના કાર્યકાળમાં શહીદ થયા છે.

જ્યારે બીજી તરફ સરહદે પાકિસ્તાન દ્વારા થઇ રહેલા યુદ્ધ વિરામ ભંગનું પ્રમાણ પણ આશ્ચર્યજનક રીતે વધ્યું છે. જેને પગલે સરહદે ચીંતાજન સ્થિતિ પેદા થઇ છે. આ મામલે કોંગ્રેસના નેતાએ જણાવ્યું હતું કે યુપીએના શાસનમાં ૪૪ મહિનામાં ૫૪૩ વખત પાકિસ્તાને શસ્ત્ર વિરામનો ભંગ કર્યો હતો, પણ આ આંકડો મોદી સરકારના કાર્યકાળમાં વધીને ૨૫૫૫ સુધી પહોંચી ગયો છે. જે પરથી પુરવાર થાય છે કે હાલની સરકારમાં શસ્ત્ર વિરામ ભંગનું પ્રમાણ અગાઉ કરતા પાંચગણુ વધી ગયું છે.

કોંગ્રેસે જણાવ્યું હતું કે આ પરથી પુરવાર થાય છે કે મોદી સરકારની બેવડી વાતો ઉજાગર થઇ ગઇ છે. અગાઉ સત્તા સંભાળી તે પહેલા પાકિસ્તાનને આક્રામક જવાબ આપવાની વાતો કરી અને જવાનોની શહીદી મુદ્દે પણ આરોપો લગાવ્યા હવે જ્યારે તેમની પાસે સત્તા છે ત્યારે અગાઉ કરતા પણ ભયાનક અને ચિંતાજનક સ્થિતિનું નિર્માણ થયું છે ત્યારે હવે મોદી મૌન છે.

Post Comments