શું તમે અમરનાથ યાત્રાની આ પૌરાણિક કથા વિશે જાણો છો?

- જાણો, અમરનાથ યાત્રા સાથે સંકળાયેલી કેટલીક માન્યતાઓ અને પૌરાણિક કથા વિશે

નવી દિલ્હી, તા. 16 જુલાઇ 2017, રવિવાર

અમરનાથ સાથે સંકળાયેલી કેટલીય માન્યતાઓ અને પૌરાણિક કથાઓ પ્રચલિત છે. કહેવામાં આવે છે કે, ભક્ત ભગવાનની જેટલી શ્રદ્ધાથી પૂજા કરે છે, ભગવાન પણ તે જ રૂપમાં આવીને દર્શન આપે છે. ભક્તની શ્રદ્ધા જ તેને ભગવાનની નજીક લઇ આવે છે.

અમરનાથી વિશે માન્યતા છે કે જે ભક્ત તેમને સાચા મનથી યાદ કરે છે, ભગવાન તેમને દર્શન આપે છે. અમરનાથ ધામ વિશે કેટલીય વાર્તાઓ પ્રચલિત છે. સૌથી મુખ્ય વાર્તા અમર કબૂતરની છે. ત્યારબાદ મુસ્લિમ ચરવૈયાની વાર્તાનો પણ ઉલ્લેખ કરવામાં આવ્યો છે.

જો કે, આ કથામાં કેટલાય લોકોના એક મત મળ્યા નથી તેમ છતાં પણ આ પૌરાણિક કથા પ્રચલિત છે. આ કથા અનુસાર બૂટા મલિક નામના એક મુસ્લિમ ચરવૈયાને એક ઋષિએ કોલસાનો એક કોથળો આપ્યો. ઘરે પહોંચ્યા બાદ મલિકે જોયું તો કોથળો સોનાથી ભરેલો હતો. તે એટલો બધો ખુશ થઇ ગયો કે ખુશીનો માર્યો તે ઋષિનો આભાર માનવા માટે તેમની પાસે ગયો. ત્યાં એક ગુફાને જોઇ જે જોતાં જ તે આશ્ચર્યમાં મુકાઇ ગયો. ત્યારથી આ ગુફા અમરનાથ ગુફા ધામના નામથી જાણિતી થઇ ગઇ.

બીજી પૌરાણિક કથા અનુસાર એકવાર ભગવાન શિવ માતા પાર્વતીને અમર થવાની કથા સંભળાવી રહ્યા હતા. માતા પાર્વતી તો તે કથા સાંભળતા સાંભળતા સૂઇ ગયા. પરંતુ આ કથા એક કબૂતરની જોડીએ સાંભળી અને ત્યારથી તે કબૂતર અમર થઇ ગયા. માન્યતા છે કે જે પણ ભક્ત અમરનાથની યાત્રા માટે આ ગુફામાં આવે છે તેમને આ કબૂતરોના દર્શન થાય તો તેને દૈવીય કૃપા માનવામાં આવે છે.

Keywords do,you,know,the,story,behind,amarnath,yatra,