રાજસ્થાનથી ચોંકાવનારા સમાચાર, વિદેશથી ફરવા આવેલી મહિલા પર ફાયરિંગ, પોલીસ તંત્ર દોડતું થયું

Thailand Woman Shot in Udaipur: રાજસ્થાનના ઉદયપુરથી એક ચોંકાવનારા સમાચાર સામે આવ્યા છે. અહીં થાઈલેન્ડથી ફરવા આવેલી એક મહિલા પર અજાણ્યા હુમલાખોરે ફાયરિંગ કરી દેતાં અફરા-તફરી મચી ગઇ હતી. મહિલાએ પીઠ પર ગોળી વાગી છે અને ગંભીર હાલતમાં જ તેને હોસ્પિટલ ખસેડવામાં આવી હતી. 

ડૉક્ટરોએ શું કહ્યું? 

ડૉક્ટરોના જણાવ્યાનુસાર હાલમાં આ મહિલાની હાલત સ્થિર હોવાની જાણકારી છે. થાઈલેન્ડની મહિલા ટુરિસ્ટ માલી કોલોનીમાં આવેલી એક હોટેલમાં રોકાઈ હતી. જોકે તેના પર ફાયરિંગ કોણે કર્યું તેના વિશે પોલીસને કોઈ જાણકારી મળી નથી. પોલીસે આ મામલે હુમલાખોરને પકડી પાડવા ચક્રો ગતિમાન કર્યા છે.