Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Enable Social Reading
No, Thanks

IPLમાં વરસાદ અંગેનો નિયમને બદલવા આજે ગવર્નિંગ કાઉન્સીલ વિચારણા કરશે

- એલિમિનેટર મેચ વરસાદને કારણે રાત્રે દોઢ વાગ્યે પુરી થતાં વિવાદ સર્જાયો હતો

- કોલકાતા અને હૈદરાબાદના ખેલાડીઓ તેમજ ટીમ ઓફિસિઅલ્સે નારાજગી વ્યક્ત કરી હતી

બેંગાલુરુ, તા. 19 મે, 2017,  શુક્રવાર
 
આઇપીએલની દસસી સિઝનની એલિમિનેટરમાં વરસાદના વિધ્નને કારણે મેચની ઈનિંગ રાત્રે ૧૨.૫૫ વાગ્યે શરૃ થઈ હતી અને રાત્રે છેક દોઢ વાગ્યે મેચ પુરી થઈ હતી. આ પછી બંને ટીમોના ક્રિકેટરો અને ટીમ ઓફિસિઅલ્સે મોડી રાત સુધી ખેંચાયેલી મેચ અંગે નારાજગી વ્યક્ત કરતાં આ અંગેના નિયમમાં ફેરફારની માગ કરી હતી. આઇપીએલની હાઈપાવર ગવર્નિંગ કાઉન્સીલે આ બાબતની ગંભીર નોંધ લીધી છે અને આવતીકાલે યોજાનારી ગવર્નિંગ કાઉન્સીલની મિટિંગમાં આ મુદ્દો ચર્ચાશે તેમ ચેરમેન રાજીવ શુક્લાએ જણાવ્યું હતુ. 
 
એલિમિનેટરમાં હૈદરાબાદે સાત વિકેટે ૧૨૮ રન કર્યા હતા, તેમની ઈનિંગ પુરી થઈ તે સાથે વરસાદ તુટી પડયો હતો અને સવા ત્રણ કલાક રાહ જોયા બાદ મોડી રાત્રે મેચ શરુ થઈ હતી, જેમાં કોલકાતા વિજેતા બન્યું હતુ. રાત્રે છેક દોઢ વાગ્યે પુરી થયેલી મેચ અંગે ભારતીય ક્રિકેટ જગતમાં ભારે નારાજગી જોવા મળી હતી. એમ. ચિન્નાસ્વામી સ્ટેડિયમમાં સબ એર ટેકનોલોજીને કારણે લાંબા વિલંબ બાદ મેદાન મેચ માટે તૈયાર થયુ હતુ. ગ્રાઉન્ડ સ્ટાફે બે લાખ લીટર વરસાદી પાણી સ્ટેડિયમની બહાર કાઢ્યું હતુ. ગૌતમ ગંભીર, કોયુલ્ટર-નાઈલ તેમજ જેક કાલીસે પણ આ વિવાદિત નિયમની સામે નારાજગી વ્યક્ત કરી હતી.
 
પ્લે ઓફમાં રિઝર્વ ડેની વ્યવસ્થા રાખવી જોઈએ : શાહરૃખ
કોલકાતા નાઈટ રાઈડર્સની ટીમે વરસાદના વિધ્ન બાદ મોડી રાત્રે પુરી થયેલી એલિમિનેટરમાં હૈદરાબાદને હરાવ્યું હતુ. જોકે કોલકાતાની ટીમના સહ માલિક શાહરૃખ ખાને આઇપીએલની ગવર્નિંગ કાઉન્સીલને ટ્વીટર પર સલાહ આપતાં લખ્યું હતુ કે, પ્લે ઓફ જેવા મહત્વના મુકાબલામાં રિઝર્વ ડેની વ્યવસ્થા રાખવી જોઈએ. અમને ગર્વ છે કે, અમે આજના મુકાબલામાં વિજય મેળવી શક્યા. જો વરસાદને કારણે મેચ રદ થઈ હોત તો અમારી ટીમ બહાર ફેંકાઈ હોત. આમ છતાં અમે અમારા કેપ્ટન ગૌતમ ગંભીરની સાથે હોત. ક્રિકેટરોના મંતવ્યો અંગે જાહેરમાં કોઈ પ્રતિભાવ ન અપનારા રાજીવ શુક્લાએ કહ્યું કે, શાહરૃખે ટ્વીટરમા રિઝર્વ ડેના વિકલ્પને અપનાવવા જણાવ્યું છે, જે આવકારદાયક છે. અત્યાર સુધી માત્ર ફાઈનલ માટે જ રિઝર્વ ડે રાખવામાં આવ્યો હતો.
 
IPLની મેચો સાંજે ૭.૦૦થી શરૃ કરવાનો પણ પ્રસ્તાવ
ભારતીય ક્રિકેટ બોર્ડમાં કેટલાક સભ્યોનો અભિપ્રાય એવો પણ છે કે, આઇપીએલની મેચોને રાત્રે ૮.૦૦ વાગ્યાને બદલે સાંજે ૭.૦૦ વાગ્યાથી શરૃ કરવામાં આવે. જેથી જો ક્યારેય વરસાદના વિધ્ન સહિતની અન્ય કોઈ મુશ્કેલી આવે તો પણ મેચ પુરી કરવામાં આટલો બધો વિલંબ ન થાય. હવે આ પ્રસ્તાવ અંગે વિચારણા હાથ ધરવામાં આવે છે કે, નહિ તે જોવાનું રહેશે. આઇપીએલની ગવર્નિંગ કાઉન્સીલના વડા રાજીવ શુક્લાએ કહ્યું કે, બ્રોડકાસ્ટર્સની પસંદ હંમેશા પ્રાઈમ ટાઈમ જ રહે છે. હવે જોઈએ કે અમારા સભ્યોની ભલામણો કેવી રહે છે. આ બધાની સાથે ચર્ચા - વિચારણા કર્યા બાદ અમે બ્રોડકાસ્ટર્સનો મત પણ પુછીશું. આ પછી કોઈ નિર્ણય લઈશું. નોંધપાત્ર છેકે, આંતરરાષ્ટ્રીય ટ્વેન્ટી-૨૦ મેચોનો પ્રાંરભ સાંજે ૭.૦૦ વાગ્યાથી જ થતો હોય છે. 
 
ક્રિકેટરો-પ્રેક્ષકો માટેના અન્યાયી નિયમને દૂર કરો : ગાવસ્કર
ભૂતપૂર્વ ભારતીય કેપ્ટન સુનિલ ગાવસ્કરે તો મોડી રાત્ર સુધી મેચ લંબાવવાના આઇપીએલના નિર્ણયની ઉગ્ર ટીકા કરી હતી અને તેણે ક્રિકેટરો તેમજ પ્રેક્ષકો માટે અન્યાયી ગણાવ્યો હતો. ગાવસ્કરે કહ્યું કે, બીસીસીઆઇ કે પછી આઇપીએલ કોઈ પણ પ્રેક્ષકોને રાત્રે ૧.૨૦ વાગ્યા સુધી ક્રિકેટના મેદાન પર બેસી રહેવા માટે ફરજ પાડી ન શકે. ખેલાડીઓ અને પ્રેક્ષકો સાંજે ૫.૦૦ વાગ્યે મેદાન પર આવી જતા હોય છે, જે પછી રાત્રે ૮.૦૦ વાગ્યે મેચ શરૃ થતી હોય છે. દુનિયાની કોઈ પણ સ્પોર્ટસ ઈવેન્ટ આટલી મોડી રાત સુધી ચાલતી નથી અને તેની એક મેચ આટલા કલાક સુધી ખેંચાતી નથી. આઇપીએલના આયોજકોએ ખેલાડીઓ અને પ્રેક્ષકો માટેના આ અન્યાયી નિયમને હવે બદલી નાંખવાની જરુર છે. 
 
માત્ર ઓવરો - પડકાર નહિ, વિકેટ પણ ઘટાડો : ફ્લેમિંગ
એલિમિનેટરમાં વરસાદના વિધ્ન બાદ કોલકાતાને જીતવા માટે ૬ ઓવરમાં ૪૮ રનનો પડકાર મળ્યો હતો. આયોજકોએ વરસાદને કારણે ઓવરો અને પડકાર તો ઘટાડયો, પણ કોલકાતાની એક પણ વિકેટ ઓછી કરી નહતી, જેના કારણે હૈદરાબાદને અન્યાય થયો હતો. હાલમાં પૂણેની ટીમના કોચ તરીકેની જવાબદારી સંભાળી રહેલા ફ્લેમિંગે કહ્યું હતુ કે, વરસાદના વિધ્નવાળી મેચોમાં બંને ટીમોને જીતવાની સમાન તકો મળી રહે તે માટે ઓવરો અને પડકારને ઘટાડવાની સાથે સાથે બેટીંગ ટીમની વિકેટો પણ ઘટાડવી જોઈએ. ફ્લેમિંગની નવતર ભલામણ અંગે આઇપીએલની ગવર્નિંગ કાઉન્સીલે વિચારણા કરવી જોઈએ. ફ્લેમિંગની ફોર્મ્યુલા પ્રમાણે કોલકાતાને એવો પડકાર આપવો જોઈએ કે  ૬ ઓવરમાં ૪૮ રન કરવાના રહેશે, પણ જો તમારી પાંચ વિકેટ પડી જાય તો તમે ઓલઆઉટ થઈ જશો. હવે આ અંગે આઇપીએલની કાઉન્સીલ વિચારણા કરે છે કે નહિ તે જોવાનું રહેશે.

Post Comments