Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Enable Social Reading
No, Thanks

જજો પર ભ્રષ્ટાચાર, શારીરિક શોષણ અને બેફામ નિવેદન બદલ કેસ નોંધાઈ ચૂક્યા છે

- સુપ્રીમ અને હાઇકોર્ટના જજો અગાઉ પણ ગંભીર વિવાદો સર્જી ચૂક્યા છે

- આંધ્રપ્રદેશ હાઇકોર્ટના જસ્ટિસ નાગાર્જુન રેડ્ડી સામે દલિત જજ સામે કિન્નાખોરી રાખવા બદલ મહાભિયોગની અ

(પીટીઆઈ) નવી દિલ્હી, તા. 12 જાન્યુઆરી, 2018, શુક્રવાર

સુપ્રીમ કોર્ટના જજોના કારણે ન્યાયતંત્રની ગરિમા ખરડાઈ હોવાનું કંઈ પહેલીવાર નથી થયું. આ પહેલાં પણ સુપ્રીમ કે હાઈકોર્ટના સીટિંગ જજો સામે શારીરિક છેડછાડ, શોષણ તેમજ કન્ટેમ્પ્ટ ઓફ કોર્ટ જેવા મુદ્દે કાયદેસરની કાર્યવાહી થઈ ચૂકી છે. સુપ્રીમ કોર્ટના જજ વી. રમાસ્વામી સામે ભ્રષ્ટાચાર મુદ્દે ૧૯૯૩માં મહાભિયોગની કાર્યવાહી કરવામાં આવી હતી.

જોકે, તેમની સામે મહાભિયોગ ચલાવવા લોકસભામાં બહુમતી મળી શકી ન હતી, એ અલગ વાત છે. એ પછી કોલકાતા હાઈકોર્ટના જજ સૌમિત્ર સેન સામે ૨૦૧૧માં નાણાકીય ગેરરીતિઓનો આરોપ લાગ્યો હતો. રાજ્યસભામાં તેમની વિરુદ્ધ મહાભિયોગ ચલાવવા બહુમતીથી મતદાન થયું હતું. ત્યાર પછી લોકસભામાં મહાભિયોગની કાર્યવાહી ચાલુ થાય એ પહેલાં જસ્ટિસ સેને રાજીનામું આપી દીધું હતું.

એવી જ રીતે, ૨૦૧૬માં આંધ્રપ્રદેશ અને તેલંગણા હાઇકોર્ટના જસ્ટિસ નાગાર્જુન રેડ્ડી સામે એક દલિત જજ સામે કિન્નાખોરી રાખવા બદલ રાજ્યસભાના ૬૧ સભ્યે મહાભિયોગની અરજી કરી હતી. બાદમાં ૫૪ સભ્યે  આ અરજી પાછી ખેંચી લીધી હતી. હાલમાં જ કોલકાતા હાઇકોર્ટના જસ્ટિસ કર્ણન પણ ન્યાયતંત્ર સામે બેફામ નિવેદનો કરવા બદલ કન્ટેમ્પ્ટ ઓફ કોર્ટની કાયદેસરની કાર્યવાહીનો સામનો કરીને છ માસની જેલની સજા ભોગવી આવ્યા. કર્ણને પણ કોલાજિયમ સિસ્ટમને આપખુદ કહી હતી.

અગાઉ કર્ણને ૨૦૧૦માં કર્ણાટક હાઇકોર્ટના જસ્ટિસ ડી. વી. શૈલેન્દ્ર કુમાર અને ચિફ જસ્ટિસ ઓફ ઈન્ડિયા કે. જી. બાલક્રિશ્નને તેમની સંપત્તિ જાહેર કરવી જોઈએ એવી માંગ કરીને વિવાદ સર્જ્યો હતો. બાદમાં તમામ જજોએ પોતાની સંપત્તિ જાહેર કરી હતી. આ દરમિયાન એક સીટિંગ જજ જ્ઞાાનસુધા મિશ્રાએ તેમની અપરીણિત પુત્રીને જવાબદારી તરીકે દર્શાવતા વિવાદ થયો હતો. સિક્કિમ હાઇકોર્ટના જજ પી. ડી. દીનાકરણે પણ ભ્રષ્ટાચારના કેસમાં ૨૦૧૧માં રાજીનામું આપવું પડયું હતું.

સુપ્રીમ કોર્ટના નિવૃત્ત જજ માર્કન્ડેય કાત્જુ તો અનેકવાર વિચિત્ર પ્રકારના નિવેદનો કરીને હોબાળો કરી ચૂક્યા છે. આ મુદ્દે તેમણે ખુલાસો આપવા અદાલતોમાં પણ જવું પડયું છે. ગુજરાતના જસ્ટિસ જે.બી. પારડીવાલાએ ૨૦૧૫માં પાટીદાર અનામત આંદોલન વખતે 'અનામત' વિરુદ્ધ કરેલા નિવેદન કર્યું હતું. આ મુદ્દે રાજ્યસભાના ૫૮ સભ્યે તેમની સામે મહાભિયોગની માંગ કરી હતી. જોેકે, આ અરજી રાજ્યસભામાં પહોંચ્યા અગાઉ જ તેમણે પોતાનું નિવેદન પરત ખેંચી લીધું હતું.

Post Comments