શ્રીનગર, 19 મે 2017, શુક્રવાર
શ્રીનગરમાં યોજાયેલ જીએસટી કાઉન્સિલની બે દિવસીય બેઠકમાં બીજા દિવસે શુક્રવારે સર્વિસીસ પર જીએસટી દર નક્કી કરવામાં આવ્યા છે. સર્વિસીસ પર જીએસટી ચાર દર 5%, 12%, 18%, 28% રાખવામાં આવ્યા છે. નાણા મંત્રી અરુણ જેટલીએ જણવ્યું કે ટ્રાન્સપોર્ટ સર્વિસ પર 5% ટેક્સ લાગશે, જયારે લક્ઝરી સેવાઓ પર 28% ટેક્સ લાગશે.

જાણો GSTમાં કઈ વસ્તુ પર કેટલો ટેક્સ

- હેલ્થકેર અને એજ્યુકેશન સેક્ટરને રાહત આપવામાં આવી છે. તેને જીએસટીમાં થી રાહત આપવમાં આવી છે.
- એન્ટરટેનમેન્ટ ટેક્સને સર્વિસ ટેક્સમાં ફેરવી દેવામાં આવ્યો છે.
- ગુડ્સ, રેલ્વે અને એર ટ્રાન્સપોર્ટ પર 5% ટેક્સ લાગશે, આ જીએસટીની સૌથી ઓછા દર છે.
- સિનેમા હોલ્સ, બેટિંગ, રેસકોર્સ પર 28% લાદવામાં આવશે.
- ફોન બીલ પર 18% ચાર્જ લાગશે.
- 1000થી ઓછી ભાડા વાળા હોટલ્સ જીએસટીમાં થી બહાર રહેશે.
- 2500 થી 5000 ભાડા વાળા હોટલ્સ 18% ટેક્સમાં.
- 5000થી વધુમાં ભાડા વાળા ફાઈવ સ્ટાર હોટલ્સ પર 28% ટેક્સમાં.
- નોન એસી રેસ્ટોરન્ટ પર 12% સર્વિસ ટેક્સ લાગશે.
- 1000 થી 2500 વાળા રેસ્ટોરન્ટ પર 12% ટેક્સ.
- સોના પર કેટલો ટેક્સ લાગશે તે વિશે 3 જુન નક્કી કરવામાં આવશે.
- ઓલા-ઉબર જેવી એપ બેસ્ડ ટેક્સી સર્વિસ પર 5% ટેક્સ લાગશે.