Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Enable Social Reading
No, Thanks

૬૧ વર્ષની ઉંમરે ૧૭,૬૦૦ ફીટ એવરેસ્ટ બેઝ કેમ્પ સર કર્યો

- નેપાળમાં આવેલા એવરેસ્ટ બેઝ કેમ્પમાં પૂરો કરવા માટે વસંત પટ્ટનીએ અગાઉ નાના મોટા ૯ કેમ્પ પૂરા કર્યા હતા

માનવી ઉંમર કરતા વિચારોથી સૌથી જલ્દી વૃદ્ધ થઈ જતો હોય છે. પરંતુ જે વ્યક્તિ ૬૦ ઉપરની ઉંમરે પણ યુવાનો સાથે રહીને સતત કંઈક કર્યા કરે છે અને કંઈક કરવાનું સ્વપ્ન જોયા કરે છે તે ક્યારેય વૃદ્ધ થતા નથી અને આવો જ એક દાખલો વસંત પટ્ટનીનો છે. તેઓને ઉંમર થતા બેન્કે રિટાયર્ડ કર્યા છે પરંતુ ખરેખર તો રિટાયર્ડ બાદ યુવાનની જેમ ગજબની શક્તિ સાથે વર્ષો જુના સ્વપ્નને સાકાર કરવા માટે એવરેસ્ટ બેઝ કેમ્પસર કરવા તેઓ નિકળી પડયા હતા અને થોડા દિવસો પહેલા સફળતા પૂર્વક ૧૭૬૦૦ ફીટ બેઝ કેમ્પ સર કરીને અમદાવાદ પરત ફર્યા છે.

આ અંગે માહિતી આપતા વસંત પટ્ટની કહે છે કે મને એડવેન્ચરનો ખૂબ જ શોખ છે જેથી નોકરી દરમિયાન જ નક્કી કર્યું હતુ કે એક દિવસ નેપાળમાં જઈ બેઝ કેમ્પ સર કરવો છે પરંતુ બેઝ કેમ્પ સુધી ટ્રેકિંગ કરવા માટે સતત પ્રેક્ટિસ માંગી લે છે. ઘણા એવા લોકને મે જોયા છે જે અધવચ્ચેથી પરત ફરતા હોય છે પરંતુ મારે પરત ન્હોતુ ફરવુ જે માટે મે નાના મોટા ૯ જેટલા ટ્રેક સર કર્યા અને પૂરો કોન્ફિડન્સ આવતા અમદાવાદથી ટ્રેનમાં બેસીને વાયા આગ્રા-ગોરખપુરથી કાઠમંડુ હું મારો દિકરો જીમ્મી પટ્ટની અને તેનો મિત્ર મહાવીરસિંહ પરમાર પહોંચી ગયા. કાઠમંડુથી શરુ થયો અમારો ટ્રેક જે સતત ૮ દિવસ સુધી ચાલ્યો. આઠમા દિવસે અમે ૧૭૬૦૦ ફીટ ઉંચાઈ પર પહોંચી ગયા અને ૪ દિવસ પરત ફરવામાં લાગ્યા. આટલી ઉંમરે પણ હું ક્યાયં થાક્યો નથી કે નથી ક્યાંય બીમાર પડયો, રોજના સતત ૨૦૦૦ ફીટ ચાલવાનું થતુ અને દિવસે ૯ કલાકના ટ્રેક બાદ રાત્રે કોઈ સારી જગ્યા શોધીને અમે રોકાતા હતા.

બેઝ કેમ્પ કરતા લોકોએ આ બધી બાબતો પર ધ્યાનમાં રાખવું  જોઈએ
એવરેસ્ટ જતી વખતે અનેક તૈયારીઓની સાથે સાથે ફિઝિકલ ફિટનેસ જરૃરી છે. બેઝ કેમ્પ કરતી વખતે વચ્ચે નામચે બઝાર આવે છે જે  ૧૨,૫૦૦ ફૂટ ઉપર છે. નામચે પછી જેમ જેમ ઉપર જઈએ  તેમ તેમ માથામાં દુઃખાવો,  હલકા ચક્કર, શ્વાસ ચડી જવું, હાંફી જવાય અને ઘણી વખત બેભાન  થવાની સંભાવના રહે છે. ઓહીં ઓક્સિજન પુરતા પ્રમાણમાં ન મળવાથી ઘણી વખત આપણે શું બોલીએ છીએ કે શું કરીએ છીએ તેનું પણ ભાન રહેતુ નથી જેથી નીચેથી દવા સાથે લઈને ઉપર જવુ જોઈએ. ૧૨૫૦૦ ફૂટથી આગળ વધીએ ત્યારે ચાલવાની સ્પિડ ઘટી જાય છે અને ઘણી વખત તો આપણુ શરીર સાથ નથી આપતુ અને શ્વાસલેવામાં તકીલફના લીધે મૃત્યુ થઈ જવાશે તેવો પણ ભય સતાવતો રહે છે. માટે બેઝ કેમ્પનો કરવાનું વિચારતા લોકોએ ઓછામાં ઓછી ૬ મહિના પહેલા દોડવાથી લઈ નાના મોટા પહાડો ચડવાની તૈયારી શરુ કરી દેવી જોઈએ.

અમે ૪ મહિનાથી રોજની કલાકો સુધી પ્રેકિટસ કરતા હતા
મેં અત્યાર સુધી ૯ ટ્રેકિંગ કેમ્પ કર્યા છે. તે ઉપરાંત રોજનું સ્વિમિંગ અને ૪ કીમી વોકિંગ કરુ છું. જ્યારે મારી સાથે આવનાર મારો દિકરાએ અને તેના દોસ્તે ચાર મહિના અગાઉ દોડવાની પ્રેક્ટિસ શરુ કરી હતી. અહીં એવરેસ્ટ જતા લોકોને ઘુંટણમાં દુખાવો કે શ્વાસમાં તકલીફ હોય તો જવુ ન જોઈએ કેમ કે અહીં ૬૦ ટકા ઓક્સિઝન હોય છે જેથી ચાલવામાં અને શ્વાસલેવામાં ઘણી તકલીફ રહે છે. બેઝ કેમ્પ સર કરવાનું પ્લાનિંગ કરતા વ્યક્તિએ જમવાનું કોઈ ટેન્શન રાખવાની જરુર
હોતી નથી કેમ કે અહીં ટ્રેક દરમિયાન દરેક સ્થળે જમવાનું પુરતા પ્રમાણમાં મળી રહેતું હોય છે. યોગ્ય ગાઈડ અને યોગ્ય સંસ્થા દ્વારા પુરતી માહિતી
સાથે જવામાં આવે તો બેઝ કેમ્પ સફળતા પૂર્વક પૂરો કરી શકાય છે.   
 

Post Comments