Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Enable Social Reading
No, Thanks

મિસ્ટર FM...મોટી મસ હેલ્થ સ્કીમો માટે ભંડોળ ક્યાંથી લાવશો ?

- સરકારનું જ્યારે છેલ્લું વર્ષ છે ત્યારે ભંડોળ વિનાની સ્કીમો એ પ્રજાનું અપમાન છે

- હેલ્થ સ્કીમ માટે સરકારે કાણી પૈ ફાળવી નથી

તા.11 ફેબ્રુઆરી 2018, રવિવાર

- ઉધાર લઇને ખર્ચ કર્યા કરવાથી કશું ના વળે

- હેલ્થ ક્ષેત્રે ગંભીર બનવાની જરૃર; પ્રાઈવેટ અને સરકારી હોસ્પિટલોમાં દર્દીના ખર્ચની મોટી અસમાનતા

૨૦૧૮-૧૯ની સાલના બજેટ માટે ઘણાં બધાં સવાલો કરવામાં આવી રહ્યા છે. કેન્દ્ર સરકારના ખર્ચ અંગે મારે પણ એક સવાલ પૂછવો છે.

સરકાર શું ખર્ચ કરે છે અને શેના પર ખર્ચ કરે છે? ૨૦૧૭-૧૮ની સાલમાં સરકારે અંદાજ મૂક્યો હતો કે તે રૃા. ૨૧,૪૬,૭૩૫ કરોડનો ખર્ચ કરશે, પરંતુ આખરે તેણે કુલ રૃા. ૨૨,૧૭,૭૫૦ કરોડનો ખર્ચ કર્યો હતો. આમ અંદાજ કરતાં તેણે રૃા. ૭૧,૦૧૫ કરોડનો વધારે ખર્ચ કર્યો હતો.

હવે સવાલ એ છે કે સરકાર આ વધારાના પૈસા મેળવશે કેવી રીતે? (રૃા.૪૮,૩૦૯ કરોડ સરકાર સીધા ઉછીના લેશે અને રૃા. ૩૭૦૦૦ કરોડ સરકારના હિસ્સા તરીકે જ ઓ.એન.જી.સી. પાસેથી ઉછીના લેશે)

ઉછીના લીધેલા અને ખર્ચેલા નાણાં
સરકાર દ્વારા વધારાના ઉછીના લેવામાં આવેલા નાણાં કયા શિર્ષક હેઠળ ખર્ચવામાં આવશે? મહેસૂલી ખર્ચમાં રૃા. ૧,૦૭,૩૭૧ કરોડનો વધારો થસે. પરિણામે મૂડી ખર્ચમાં રૃા. ૩૬,૩૫૬ કરોડનો ઘટાડો કરવામાં આવશે.

પણ તેને કારણે બેવડો ફટકો પડશે. રેવન્યુ એકાઉન્ટમાં ખર્ચ કરવા માટે સરકાર જંગી રકમ ઉછીની મેળવી રહી છે. આ રીતે ખર્ચ કરવા માટેના નાણાં તો સરકાર મેળવી લે છે, પરંતુ તેની સામે કેપિટલ એકાઉન્ટ - મૂડી ખાતામાં તે કાપ મૂકી રહી છે.
શું ૨૦૧૭-૧૮ના વર્ષમાં વધારાના મહેસૂલી ખર્ચનો મોટો હિસ્સો આરોગ્યની જાળવણી માટેના ખર્ચમાં વપરાયો હતો?

બાળકોની આરોગ્યસેવા
હેલ્થ કેર સિસ્ટમના એક મુદ્દા પર ધ્યાન આપવું જરૃરી છે. દેશમાં બાળકોના આરોગ્ય અને બાળકોને પોષણયુક્ત આહાર અંગે ૨૦૦૫-૦૬ અને ૨૦૧૫-૧૬ના ડેટા પર નજર નાખવા જેવી છે

જન્મથી સેક્સની સંખ્યાની ગણત્રી કરીએ તો ૧૦૦૦ છોકરાઓની સરખામણીમાં ૯૧૪ છોકરીઓ જન્મે છે. આ આંકમાં સુધારો થયો છે જે ----- પહોંચ્યો છે. એટલે જો છોકરો-છોકરી બંનેની સંખ્યા સમાન કરવી હોય તો ઘણા દાયકા જોઇશે.

બાળ મૃત્યુનો દર ૫૭ પરથી ૪૧ પર પહોંચ્યો છે. બાળ મૃત્યુની એવરેજ વિશ્વમાં ૩૦.૫ની છે તો બેસ્ટ આંક માત્ર '૨' છે.
પાંચ વર્ષની અંદરના બાળકોનો મૃત્યુ દર ૭૪ પરથી ૫૦ પર પહોંચ્યો છે. વિશ્વમાં આ દર સરેરાશ ૪૧નો છે તો વિશ્વમાં તે સૌથી શ્રેષ્ઠ માત્ર ૨.૧નો છે.

૨૦૧૫-૧૬માં માત્ર ૬૨ ટકા બાળકોનું સંપૂર્ણ રસીકરણ કરાયું હતું.

પાંચ વર્ષની અંદરના બેમાંથી એક બાળક એનીમીક (ઓછું લોહી) જ્યારે ત્રણમાંથી એક બાળક ઓછા વજનવાળું કે નબળું અને પાંચમાંથી એક બાળકનો ખ્યાલ રાખનાર કોઈ નથી હોતું.

આ સ્થિતિ એટલા માટે છે કે આપણે બાળ આરોગ્ય અને બાળકોના પોષણયુક્ત આહાર તરફ ધ્યાન આપ્યું નથી. આપણા લોકોએ પણ આ બાબતે જાગૃતિ બતાવી નથી. આર્થિક વિકાસથી લઇને નેશનલ સિક્યોરીટી, ટેકનોલોજીકલ પ્રોગ્રેસથી સામાજીક સમરસતા વગેરે મુદ્દા માણસની જાગૃતિ સાથે સંકળાયેલા છે.

આપણા માનવ સમુદાયને આરોગ્ય અંગે જાગૃતિ આપવાની જવાબદારી ડોક્ટરોની છે, ખાસ કરીને બાળકોના આરોગ્યની જાગૃતિ પર ભાર મુકવો જોઇએ પરંતુ ડૉક્ટરોની અછત છે. ૨૦૧૬ના ડેટા પ્રમાણે ૧૧૬૮૧ લોકો વચ્ચે એક ડોક્ટર છે. વર્લ્ડ હેલ્થ ઓર્ગેનાઇઝેશન કહે છે કે ૧૦૦૦ લોકો વચ્ચે એક સરકારી ડોક્ટર જોઇએ જ્યારે આપણે ત્યાં ૧૧,૫૨૮ લોકો વચ્ચે એક સરકારી ડોક્ટર છે. આપણે દર વર્ષે ૫૫,૦૦૦ ગ્રેજ્યુએટ અને ૨૫,૦૦૦ પોસ્ટ ગ્રેજ્યુએટ ડોક્ટર તૈયાર કરીએ છીએ. દરેક ડોક્ટરના માથે ઓછામાં ઓછા બે ડોક્ટરની જવાબદારી છે.

આપણી આરોગ્ય સવલતની સિસ્ટમ મોટાભાગે ત્રણ કેટેગરીમાં વહેંચાયેલી છે. પબ્લીક/સરકારી હોસ્પિટલો, નફા માટે ઉભી કરાયેલી ખાનગી હોસ્પિટલો અને પબ્લીક હોસ્પિટલો (જો કે દિલ્હીથી એમ્સ, પુડીચેરીની વૈંઁસ્ઈઇ અને એવી કેટલીક અપવાદરૃપ છે) વગેરે બિનકાર્યક્ષમ નજરે પડી છે. આ હોસ્પિટલો દર્દીનું ધ્યાન નથી આપતી અને સારવાર માટે કોઈ જોખમ નથી ઉઠાવતી. તાલુકા અને રાજ્યસ્તરની ઘણી હોસ્પિટલો રેફરલ હોસ્પિટલ સમાન બની ગઈ છે.

બીજી તરફ પ્રોફીટ કરતી પ્રાઈવેટ હોસ્પિટલોની (કેટલીક અપવાદરૃપ છે) નજર માત્ર પ્રોફીટ પર હોય છે. તે વિવિધ ટેસ્ટ અને સિસ્ટમ દ્વારા દર્દીની સારવાર કરે છે. ગરીબ દર્દીઓ આવી હોસ્પિટલથી દૂર ભાગે છે.

પૈસા વિનાની યોજનાઓ
મફત સારવાર આપતી પબ્લીક હોસ્પિટલો અને હેલ્થ ઇન્સ્યોરન્સના ચલણના કારણે દરેક દર્દીને પોતાના ખિસ્સામાંથી કોઈખર્ચ કાઢવો પડતો નથી. ૨૦૧૪ના આંકડા પ્રમાણે ગ્રામીણ વસ્તી પબ્લીક હોસ્પિટલમાં સરેરાશ ૫૬૩૬ રૃપિયા ખર્ચે છે જ્યારે પ્રાઈવેટ હોસ્પિટલમાં તે ૩૨,૩૭૫ રૃપિયા સરેરાશ ખર્ચ છે. આ આંકડાઓ પરથી પ્રશ્ન એ ઉભો થાય છે કે પબ્લીક હોસ્પિટલની સારવારનો ખર્ચ અને ખાનગી હોસ્પિટલના ખર્ચમાં આટલી મોટી અસમાનતા શા માટે છે ?

આ મુદ્દાને ધ્યાનમાં રાખીને જ નેશનલ હેલ્થ પ્રોટેકશન સ્કીમની જાહેરાત ધૂમ-ધડાકા સાથે કરાઈ છે. આ વિશ્વની સૌથી મોટી સરકારી હેલ્થ સ્કીમ નથી પણ વિશ્વની સૌથી મોટી પૈસા વીનાની સ્કીમ કહી શકાય ?! ભંડોળ વિનાની સ્કીમ એ હવામાં ઉડતી વાત જેવી લાગે છે.

૨૦૧૬-૧૭ના બજેટમાં નેશનલ હેલ્થ સ્કીમ જાહેર કરવામાં આવી હતી જેમાં છ કરોડ કુટુંબોને એકલાખ રૃપિયાના કવર હેઠળ આવરી લેવાના હતા. આ સ્કીમનો ના તો અમલ થયો કે ના તો તેના માટે નાણા ફાળવાયા !!

હવેના બજેટમાં ૧૦ કરોડ ફેમીલીને આવરી લઇને પાંચલાખના વીમા હેઠળ આવરી લેવાની જાહેરાત કરાઈ છે. પરંતુ આ યોજના માટે એક કાણી પૈ ફાળવવામાં નથી આવી !! હેલ્થ વીમા માટે ૧થી ૩ટકા પ્રીમીયમનો સંકેત છે તે માટે ૫૦ હજારથી દોઢ લાખ કરોડ દર વર્ષે જોઇશે. બજેટની જાહેરાત વખતે વીમાની રકમ અંગે કોઈ ચર્ચા થઇ નથી.ચર્ચા તો એવી છે કે આરોગ્યની આ સ્કીમમાં ૪૦ ટકા રાજ્ય સરકાર આપશે જો કે આ મુદ્દે પણ રાજ્ય સરકારોનો સંપર્ક કરાયો નથી. આ ઉપરાંત મહત્ત્વની વાત એ છે કે દરેક રાજ્યની પોતાની હેલ્થ સ્કીમ છે એટલે તે કેન્દ્ર સરકારની કોઈ હેલ્થ સ્કીમ સ્વીકારશે તે માની શકાય નહીં.

જ્યારે સરકાર તેના છેલ્લા વર્ષમાંથી પસાર થઇ રહી છે ત્યારે તેણે ભંડોળની કોઈ વ્યવસ્થા કર્યા વગર મોટી મસ સ્કીમોની જાહેરાતો કરવી એ પ્રજાના અપમાન સમાન છે. હવે જ્યારે સરકારે જાહેરાત કરી દીધી છે એટલે સરકાર યોજનાના અમલીકરણ અને ભંડોળ પાછળ પોતાની એનર્જી બગાડશે અંતે આરોગ્ય ક્ષેત્ર તો બિચારું ઠેરનું ઠેર રહેશે.

ખર્ચ    નાણાંનો વપરાશ(આઉટફ્રલો) (રૃા. કરોડમાં)
બજેટનો અંદાજ    સુધારેલો અંદાજ
આરોગ્ય રૃા.૪૮,૮૭૮ કરોડ    રૃા.૫૩,૧૯૮ કરોડ
નેશનલ હેલ્થ મિશન
ખર્ચ
બજેટનો અંદાજ    સુધારેલો અંદાજ
નેશનલ મિશન હેલ્થ
રૃા.૨૭,૧૩૧ કરોડ    રૃા.૩૧,૨૯૨ કરોડ

Post Comments