Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Enable Social Reading
No, Thanks

કોર્પોરેટ ક્ષેત્રને ધમધમતું કરવા ટેકસ કપાત ઉપરાંત અન્ય ટેકાઓની જરૃર

- લઘુ ઉદ્યોગોને ધિરાણ કરવામાં બેન્કોની સૂગ દૂર કરવાની રહેશે

તા.11 ફેબ્રુઆરી 2018, રવિવાર

નાણાં વર્ષ ૨૦૧૮-૧૯ના બજેટની રજુઆત કરતી વેળા નાણાં પ્રધાન અરુણ જેટલીએ દેશના લઘુ અને મધ્યમ સ્તરની કંપનીઓ માટે કોર્પોરેટ ટેકસ ૩૦ ટકા પરથી ઘટાડી ૨૫ ટકા કરવાની જાહેરાત કરી છે. આ ઘટાડો કરવાથી કંપનીઓના હાથમાં ઉત્પાદન ક્ષેત્રે ઈન્વેસ્ટમેન્ટ કરવા માટે નાણાં ઉપલબ્ધ બનશે એવી તેઓ અપેક્ષા રાખી રહ્યા છે. તેમની આ અપેક્ષા કેટલી ફળીભૂત થાય છે એ તો સમય જ કહેશે પરંતુ દેશમાં ઉત્પાદન ક્ષેત્રને ધમધમતુ કરવા માટે એક નહીં પણ અનેક ટેકાઓની આવશ્યકતા રહેલી છે. દેશના ઉદ્યોગો હાલમાં તેમની સ્થાપિત ક્ષમતાના ૭૦થી ૭૨ ટકાએ કામ કરી રહ્યા છે.

સતત ૧૫ મહિના અથવા પાંચ ત્રિમાસિક સુધી ઘટયા બાદ નાણાં વર્ષ ૨૦૧૭-૧૮ના બીજા ત્રિમાસિકમાં દેશનો આર્થિક વિકાસ દર (જીડીપી) સુધરીને ૬.૩૦ ટકા રહ્યો છે. ડીમોનિટાઈઝેશનની અસર ઓસરતા આ સુધારો જોવા મળ્યો હોવાનું માનવામાં આવે છે. સંપૂર્ણ નાણાં વર્ષ ૨૦૧૭-૧૮માં આર્થિક વિકાસ દર ૬.૫૦ ટકા રહેવાની અપેક્ષા રખાઈ રહી છે. ઉત્પાદન ક્ષેત્ર કરતા સેવા ક્ષેત્રની સ્થિતિ વધુ સારી રહેવાની ધારણાંએ આ આંક આવી પડયો છે. જીએસટીની અસરને કારણે   ઉત્પાદન ક્ષેત્રમાં સુધારો જોઈએ એટલો થયો નથી. નાણાં વર્ષ ૨૦૧૮-૧૯માં ઉત્પાદન ક્ષેત્રે હકારાત્મક ચિત્ર જોવું હશે તો સરકારે તે માટે ચોક્કસ કદમો ઉઠાવવા પડશે. ટેકસમાં રાહત આપવાથી બધુ જ સમુસૂતરું થઈ જશે એ ધારી લેવું યોગ્ય નથી.

૨૦૧૭-૧૮ના બીજા ત્રિમાસિક ગાળામાં ઉત્પાદન ક્ષેત્રની ધિરાણ વૃદ્ધિ ૧.૯૯ ટકા નકારાત્મક રહી હતી એમાં લઘુ અને મધ્યમ ઉત્પાદન એકમોને ધિરાણ વૃદ્ધિ ૧.૫૮ ટકા નીચી  રહી છે. બેન્કો પાસે નાણાં નહીં હોવાને કારણે કંપનીઓને ધિરાણ મળતું નથી એવું નથી. જો એમ હોત તો છેલ્લા એક વર્ષમાં સરકારી સિક્યુરિટીઝમાં બેન્કોના ઈન્વેસ્ટમેન્ટમાં ૧૫ ટકા વૃદ્ધિ જોવા મળી ન હોત. ઔદ્યોગિક પ્રવૃતિઓ માટે નાણાં ધિરવા બેન્કો ખચકાઈ રહી છે, અને આ માટેના કારણો સુવિદિત છે. છાશવારે બહાર પડતા ઈન્વેસ્ટમેન્ટના આંકડાઓ પણ પ્રોત્સાહક દેખાતા નથી. એપ્રિલ-ડિસેમ્બર ૨૦૧૭ના ગાળામાં ઈન્વેસ્ટમેન્ટ માટેની નવી દરખાસ્તોના આંકમાં નોંધપાત્ર ઘટાડો જોવાયો છે.

ઉત્પાદન ક્ષેત્રની ક્ષમતામાં વૃદ્ધિ સાધારણ જોવા મળે છે. સંગઠીત ઉત્પાદન ક્ષેત્રની ક્ષમતામાં ૨૦૧૦-૧૩ દરમિયાન સરેરાશ વૃદ્ધિ ૧.૮૦ ટકા રહી હતી. દેશમાં ઉત્પાદન ક્ષેત્રના ભાવિને સુધારવા માટે સરકારની દરમિયાનગીરી માટે ઉદ્યોગો દ્વારા આગ્રહ કરાઈ રહ્યો છે. નાણાં પ્રધાને રજુ કરેલા બજેટમાં ઘરેલું ઉદ્યોગોને રક્ષણ આપવા ઈલેકટ્રોનિક સહિત બીજી અનેક આયાતી ચીજવસ્તુઓ પરની આયાત ડયૂટીમાં વધારો કરવાની જાહેરાત કરી છે, પરંતુ દેશમાં ઈલેકટ્રોનિક સહિત અનેક ઉદ્યોગો એવા છે જેના અંતિમ ઉત્પાદન માટે આવશ્યક કાચા માલ ભારતમાં બનતા નથી અને બને છે તો તે ખર્ચની દ્રષ્ટિએ પરવડી શકે એવા નથી હોતા. ઘરેલું ઉત્પાદન ક્ષેત્રને પ્રોત્સાહન આપવા માટે આયાત ડયૂટી વધારવાનું પૂરતું નથી. મેક ઈન ઈન્ડિયા કાર્યક્રમને સફળ બનાવવા સરકારે ઔદ્યોગિક નીતિમાં પણ ફેરબદલ કરવાની આવશ્યકતા રહે છે.

ડિસેમ્બરમાં સારા દેખાવ બાદ ભારતના ઉત્પાદન ક્ષેત્રના પીએમઆઈનો દેખાવ જાન્યુઆરીમાં સાધારણ નબળો રહ્યો છે, જે ઉત્પાદનમાં, નવા ઓર્ડરમાં તથા રોજગારમાં વૃદ્ધિ મંદ રહ્યાના સંકેત આપે છે.  નવા ઓર્ડરનો સબ-ઈન્ડેકસ જે ડિસેમ્બરમાં ૫૬.૮૦ પોઈન્ટ રહ્યો હતો તે જાન્યુઆરીમાં ઘટીને ૫૩.૦ રહ્યો છે, જેને કારણે કંપનીઓએ ભરતીની ગતિ ધીમી કરવાની ફરજ પડી છે. ૨૦૧૬ના નવેમ્બરમાં ડીમોનિટાઈઝેશન તથા જીએસટીના અમલને કારણે દેશમાં માગ  પર પડેલી અસર હજુ સંપૂર્ણ રીતે નાબુદ થઈ નહીં હોવાનું નવા ઓર્ડરની સ્થિતિ સંકેત આપે છે.કંપનીઓને પેમેન્ટસમાં થઈ રહેલી ઢીલને કારણે જીએસટીની વેપાર પર અસર હજુ ચાલુ રહેવાની શકયતા છે.

 નીચી ક્ષમતા ઉપયોગીતા તથા વૈશ્વિક સ્તરની સરખામણીએ  ભારતમાં પ્રવર્તતા  પ્રમાણમાં ઊંચા વ્યાજ દરને કારણે ખાનગી ઈન્વેસ્ટમેન્ટમની  ગતિ ધીમી પડી છે. ડીમોનિટાઈઝેશન અને જીએસટીની અસર હેઠળના નાના ઉદ્યોગોને  બહાર કાઢવા સરકાર દ્વારા બજેટમાં પ્રયાસો હાથ ધરાયા છે ત્યારે આશા રાખીએ કે આ પ્રયાસો ફળીભૂત થાય અને દેશનું  ઉત્પાદન ક્ષેત્ર તેની સંપૂર્ણ કક્ષાએ કામ કરતું થાય અને આર્થિક વિકાસની ગાડી ફરી ચાલતી નહીં પણ દોડતી થાય.

Post Comments