Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Enable Social Reading
No, Thanks

વિવિધ કારણોસર સોનાનો ચળકાટ ઘટયો

ભારતના આયાત બિલમાં ક્રૂડ ઓઈલ અને સોનાનો હિસ્સો સામાન્યપણે વધુ રહેતો હોય છે. જો કે છેલ્લા ચાર વર્ષથી સોનાની આયાતમાં  ઘટાડો થયો છે. સોનાની આયાત ઘટવા માટે વિવિધ કારણોને જવાબદાર માનવામાં આવે છે. વર્ષ ૨૦૦૮ના વૈશ્વિક મંદીના પગલે  રોકાણના આકર્ષક માધ્યમ તરીકે સોનું લોકનજરમાં વસ્યું હતં અને સોનાનો સંગ્રહ કરનારા વર્ગને  રોકાણ ફળ્યુ હતું.

જો કે વર્ષ ૨૦૧૩થી  આજ સુધી પરિસ્થિતિ બદલાઈ ગઈ છે. વૈશ્વિક સ્તરે સ્ટોક, બોન્ડ માર્કેટસ ઉછળવાથી રોકાણકારનું ધ્યાન સોના પરથી હટી શેરબજાર તરફ વળ્યું છે. ૨૦૧૬ પછી સોનાના ભાવ ૨૯૦૦૦ રૃપિયાની સપાટીથી ઉપર જ રહ્યા છે. અને મોટાભાગના રોકાણકારો તથા વાસ્તવિક ખરીદારો જ્વેલરી બજારથી દૂર જ રહ્યા છે.

કેન્દ્ર સરકારની ડિમોનેટાઈઝેશન નીતિ સામે વેપારીઓ અને વિપક્ષો સતત ટીકાકાર રહ્યા છે. બિહારના મુખ્ય પ્રધાન નીતિશકુમારે ૨૦૧૬માં લાલુ યાદવના રાજદ સાથે જોડાણ સરકારમાં હતા ત્યારે   તેમણે નોટબંધીના પગલાને બિરદાવ્યું હતું.

હાલમાં નીતિશકુમાર જ્યારે ભાજપ સાથે જોડાણ સરકાર ચલાવી રહ્યા છે ત્યારે નોટબંધીથી કોને ફાયદો થયો તેવો પ્રશ્ન પૂછી રહ્યા છે નોટબંધી સફળ રહી કે કેમ તે બાબતમાં સરકારે કરેલા  દાવાઓ બાબતમાં મતમતાંતર પ્રવર્તમાન છે પણ સોનાની ચમક ઘટાડવા પાછળ નોટબંધીને પણ એક પરિબળ માની શકાય છે. 

અધૂરામાં પૂરું કાળા નાણાં સામેની સરકારની ઝુંબેશ પણ સોનાની  માગ ઘટવા  પાછળ કારણભૂત બની છે. જવેલરી પર જીએસટી લાગુ કરવાથી સોનું ફોર્મલ ઈકોનોમિનો હિસ્સો બન્યો અને નાણાંભીડને ટાળવા સોનું  વિશ્વાસપાત્ર રોકાણ છે  તેવી યુગોથી ચાલતી આવતી માન્યતાને  ઘસરકો  લાગ્યો છે.

વર્ષ ૨૦૧૮ના પ્રથમ કવાર્ટરમાં  ગત  વર્ષના સમાન સમયગાળાની સરખામણીમાં જ્વેલરીની માગમાં  લગભગ ૧૨ ટકા ઘટાડો નોંધાયો છે. ગત વર્ષની સરખામણીમાં ઈન્વેસ્ટમેન્ટ ડિમાન્ડમાં ૧૩ ટકાનો ઘટાડો નોંધાયો છે. ગયા વર્ષના જાન્યુઆરી-ફેબુ્રઆરી માર્ચ સમયગાળામાં  ૨૬૦ ટન સોનાની આયાત થઈ હતી જે  ૨૦૧૮ના પ્રથમ ૩ મહિનામાં  ઘટીને ૧૫૩ ટન થઈ હતી. 

પ્રથમ કવાર્ટરમાં સોનાની ખરીદી પર બેવડો માર પડયો હતો. એક બાજુ કિંમતમાં  લગભગ ૪.૫ ટકાથી પાંચ ટકાનો વધારો થયો હતો જ્યારે બીજી બાજુ રૃપિયો ડોલર સામે લગભગ ૨.૫ ટકા ઘટયો હતો.  વર્ષ ૨૦૧૭ના વાર્ષિક માગ પ્રતિ ગ્રાહક ૦.૬ ગ્રામ નોંધાઈ હતી.  ગત વર્ષના પ્રથમ કવાર્ટરની  સરખામણીમાં આ વર્ષના  સોનાની માગ વૈશ્વિક સ્તરે પણ આ વર્ષના પ્રથમ કવાર્ટરમાં  ૭ ટકા ઘટીને  ૯૭૩ ટન થઈ હતી.

૨૦૧૭ના પ્રથમ કવાર્ટરમાં સોનાની માગ ૧૦૪૭ ટન હતી.  ગયા વર્ષના પ્રથમ કવાર્ટરમાં  ઈન્વેસ્ટમેન્ટ ડિમાન્ડ ૩૯૪ ટન હતી જે આ વર્ષના પ્રથમ કવાર્ટરમાં ૨૭ ટકા ઘટીને ૨૮૭ ટન થઈ હતી.
હાલમાં જ્યારે  રૃપિયો જ્યારે ૭૦ની સપાટીને સ્પર્શવા જઈ રહ્યો છે અને ક્રૂડ ઘટીને  ૭૦ પ્રતિ બેરલની  સપાટીએ સ્થિર થઈ શકે છે ત્યારે  ભારતની ચાલુ ખાતાની ખાધ વધશે અને મોંઘવારીનું  ચક્ર ફરી શરૃ થઈ શકે છે ત્યારે એક વાત નિશ્ચિત છે કે સોનાના આયાત બિલને એક પરિબળ નહીં માનવામાં આવે.

ભારતીયોએ સોનાની આયાત પર નિયંત્રણ મૂકી દેશહિતનું  કામ કર્યું છે. તેમ કહી શકાય.  આ જ પ્રકારે પેટ્રોલ ડિઝલની ખપત ઘટે અને દેશમાં જ ઓઈલ એક્સપ્લોરેશન ક્ષેત્રે કામગીરી હાથ ધરવામાં આવે તો કુલ આયાત બિલ ઘટશે અને ઝાંઝવાની બની જેમ દૂર ભાગી રહેલા 'અચ્છે દિન' જોવા મળી શકે છે.

Post Comments