Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Enable Social Reading
No, Thanks

વેચાણવેરો - નરેન્દ્ર મશરુવાળા

GST કાયદામાં ઊચ્ચક વેરો ભરી શકાય તેવી જોગવાઈઓ

(લેખાંક : ૬)
‘‘Posterity to come would wonder, whether such a comprehensive enactment was a reality''
પ્રવર્તમાન સંજોગોમાં, GSTનો કાયદો ૧લી જુલાઈ, ૨૦૧૭થી અમલી બને તેવી શક્યતાઓ છે, તેથી આ કટારમાં GST કાયદામાંની અગત્યની જોગવાઈઓનો ચિતાર આપવામાં આવી રહ્યો છે.

GST કાયદાની ભાષા ખૂબ ક્લિષ્ટ અને ગુંચવાડા ભરી છે. જેમાં કેટલીક જગ્યાએ ખૂબ અસ્પષ્ટતા છે જેનું અર્થઘટન જેટલી પણ નહિ કરી શકે. તો આવો અસ્પષ્ટ કાયદો, વેપારી આલમ ઊપર ઠોકી બેસાડવાનો શો અર્થ ?

GST કાયદો વેરાન રણ જેવો છે, પરંતુ તેમાં ઉચ્ચક વેરાની પસંદગી (Composition) અંગેની જોગવાઈઓ રણમાં વિરડી સમાન છે. અને આ કાયદો અમલી બને તો શક્ય હોય ત્યાં સુધી વેપારીઓએ આ ઊચ્ચક વેરાની પસંદગીનો લાભ લેવા જેવો છે.

Composition એટલે કે તોડ જોડની સવલત યાને ઊચ્ચક વેરાની પસંદગી, અંગે GST કાયદાની કલમ ૧૦માં જોગવાઈ કરવામાં આવી છે. આપણે આ અંગેની જોગવાઈઓ વિસ્તારથી જોઇએ.

ઊચ્ચક વેરાની પસંદગી માટે હેરફેરની મર્યાદા
કોઈપણ નોંધાયેલ વ્યક્તિ કે જેની અગાઊના નાણાંકીય વરસમાં, કુલ હેરફેર રૃપિયા પચાસ લાખથી વધુ ન હોય, તેવા વેપારી કાયદા મુજબનો ટેક્સ ભરવાને બદલે ઉચ્ચક વેરાની પસંદગી કરી શકે છે. આ પચાસ લાખની મર્યાદા, તે Threshold લીમીટ ન કહેવાય પરંતુ Exit લીમીટ કહેવાય એટલે કે પચાસ લાખની હેરફેરની મર્યાદા પુરી થઇ જાય તો પછી આ યોજનાનો લાભ મળી શકે નહિ.

અલબત્ત આ પચાસ લાખની મર્યાદામાં સરકારશ્રી વધારો કરી શકે. અને એક કરોડ સુધી મર્યાદા વધારી શકે. જેનો આધાર GST કાઉન્સીલની ભલામણ ઉપર અવલંબિત છે.
ઊચ્ચક વેરાના દૂર કેવા હશે ?

ધંધાના જુદા જુદા પ્રકાર માટે જુદા જુદા લમ્પ સમના દર રાખવામાં આવ્યા છે.
(અ) ઊત્પાદકના કિસ્સામાં ૧%નો દર રાખવામાં આવેલો છે. (બ) રેસ્ટોરન્ટના કિસ્સામાં ઊચ્ચક વેરાનો દર ૨.૫% રાખવામાં આવ્યો છે. (ક) વેપારીના (trader) ના કિસ્સામાં આ દર અડધો ટકો નક્કી કરવામાં આવ્યો છે.

આ વેરો SGST તથા CGST બંને કાયદા માટે અલગ અલગ એક સરખો નક્કી કરેલ છે, જેથી અસરકારક દર ઊપર જણાવેલ દરથી ડબલ લાગશે.

એટલે કે વેપારીના કિસ્સામાં એ દર એક ટકો થશે, ઉત્પાદકના કિસ્સામાં તે દર બે ટકા થશે અને રેસ્ટોરન્ટના કિસ્સામાં પાંચ ટકા થશે.

કોમ્પોઝીન સ્કીમનો લાભ કોને નહિ મળે ?
નીચે જમાવેલ વ્યવહાર કરતી વ્યક્તિઓને લાભ નહિ મળે.
(૧) રેસ્ટોરન્ટ સિવાયના સર્વિસ સપ્લાયર્સ.
(૨) કોઈ માલના આંતર રાજ્ય સપ્લાયર્સ.
(૩) ઈકોમર્સથી માલ સપ્લાય કરનારાઓ.
(૪) મુકરર માલના ઉત્પાદકો.

કોમ્પોઝીસનનો લાભ સ્વીકારનારને નીચના હક્ક નથી
(અ) કોમ્પોઝીસન સ્કીમ સ્વીકારનાર નોંધાયેલ વ્યક્તિને ખરીદી ઉપર લાગેલ વેરાની ક્રેડિટ મળશે નહિ.
(બ) કોમ્પોઝીસન સ્વીકારનાર, કોમ્પોઝીન ટેક્સ ઊઘરાવી શકશે નહિ.
(ક) કોમ્પોઝીસન સ્વીકારનાર રાજ્ય બહારથી કોઈ પણ માલ મંગાવી શકશે નહિ. આયાત પણ કરી શકશે નહિ.

પચાસ લાખથી વધુની હેરફેર થાય તો ?
જો કોઈ કિસ્સામાં નોંધાયેલ વેપારીની કુલ હેરફેર કોઈ નાણાંકીય વરસમાં રૃપિયા પચાસ લાખથી વધી જાય તો પચાસ લાખની હેરફેર પછીના વ્યવહારો ઊપર GST કાયદા મુજબ પુરેપુરો ટેક્સ લાગશે.

પરંતુ કોઈ વેપારી અગમચેતી વાપરીને રૃપિયા પચાસ લાખથી હેરફેર વધી જાય તેવું લાગે તો બીજી કોઈ માલિકીની કન્સર્ન શરૃ કરીને, કોમ્પોઝીસનનો લાભ લઇ શકે. બંનેમાં રૃપિયા પચાસ લાખથી વધુની હેરફેર થાય નહિ તેટલી સાવચેતી રાખવાની જરૃર ખરી.

Post Comments