શિકરા-વિજપાસર ગામ હિબકે ચડયા : સ્વજનોના ભારે હૈયે અંતિમ સંસ્કાર
- કચ્છભરમાંથી પટેલ સમાજના અગ્રણીઓ તથા હોદેદારો અંતિમ યાત્રામાં જોડાયા
- એક સાથે નવ લોકોની અંતિમ યાત્રા નિકળતા ગામમાં ભારે શોકનો માહોલ
- બન્ને ગામ સ્વયંભુ બંધ : સમુહ લગ્નો સાદગીથી યોજાવાનો નિર્ણય
ભચાઉ,તા.૧૬ એપ્રિલ 2018, સોમવાર
રવિવારે સર્જાયેલા ગોઝારા અકસ્માતમાં પટેલ પરિવારના દસ લોકોના મોત બાદ કચ્છ-વાગડ અને ખાસ કરીને પટેલ સમુદાયમાં શોકનું મોજુ ફરી વળ્યું છે. તો સોમવારે શિકરા અને વિજપાસર ગામ હિબકે ચડયા હતા. ગામે ક્યારે ન જોઈ હોય તેવી વેદના અનુભવી હતી. તો શિકારામાં એક બાળક સહિત નવ લોકોની અંતીમ યાત્રામાં મોટી સંખ્યામાં લોકો જોડાયા હતા. શિકરા અને વિજપાસર સ્વયંભુ બંધ રહ્યા હતા.
આ અંગે મળતી વિગતો મુજબ રવિવારે શિકરા નજીક ટ્રેક્ટર અને લક્ઝરી બસ વચ્ચે સર્જાયેલા ગમખ્વાર અકસ્માતમાં પટેલ પરિવારના સાત મહિલા સહિત દસ લોકોના કરૃણ મોત થયા હતા. લગ્નનો પ્રસંગ માતમમાં ફેરવાઈ ગયો હતો. આ પટેલ પરિવાર ટ્રેક્ટરમાં વિજપાસર મામેરૃ લઈને જતો હતો ત્યારે કાળ ભેટી ગયો હતો. આ ઘટના બાદ સમગ્ર કચ્છ અને ખાસ કરીને વાગડના ૭૨ પટેલ વસતી ધરાવતા ગામોમાં શોકની લાગણી ફરી વળી છે. સમગ્ર પટેલ સમુદાય શોકમાં ડુબેલો છે. સમુહ લગ્નો સહિતના આયોજનો સાદગાઈથી કરવાની જાહેરાતો કરાઈ છે. તો સોમવારે સવારે શિકરા ગામમાં એક સાથે નવ લોકોની અંતિમ યાત્રા નિકળી હતી.
જ્યારે એક મૃતકના અંતિમ સંસ્કાર વિજપાસરમાં કરવામાં આવ્યા હતા. ટ્રેક્ટરમાંજ જીવ ગયા બાદ મૃતદેહોને ઘરથી સ્મશાન સુધી પણ ટ્રેક્ટરમાં જ લઈ જવામાં આવ્યા હતા. વાગડમાંથી તમામ સમાજ અને સંપ્રદાયના લોકો અંતિમ યાત્રામાં જોડાયા હતા. રાજકીય અંગ્રણીઓ પણ હાજર રહ્યા હતા. ગામના સ્મશાનમાં એક સાથે નવ મૃતદેહોની અંતિમ વિધી કરવામાં આવી ત્યારે ભારે ગમગીન માહોલ બની ગયો હતો. સેંકડો લોકોના આંખમાં પાણી આવી ગયા હતા. ગામના અગ્રણીઓ અને સમાજના હોદેદારોએ મૃતક પરિવારજનોને હિંમત રાખવા મનાવી રહ્યા હતા. આ ઘટનાને પગલે શિકરા અને વિજપાસર ગામ સંપૂર્ણ પણે બંધ રહ્યા હતા. મુંબઈથી પણ લગ્ન પ્રસંગે આવેલા લોકો અંતિમ યાત્રામાં જોડાયા હતા.
Post Comments
ઈંગ્લેન્ડ સામેની ટેસ્ટ સિરિઝ માટેની ભારતીય ટીમમાં ત્રણ સ્પિનરો સામેલ
વર્લ્ડ નંબર વન કોહલીનો રેન્કિંગમાં રેકોર્ડ : ૯૧૧ પોઈન્ટ્સ મેળવ્યા
આખરી વન-ડે બાદ ધોનીની નિવૃત્તિની અફવાને ઢગલાબંધ ટ્વિટથી વેગ મળ્યો
ભારતીય એથ્લીટ નીરજ ચોપરાને ફ્રાન્સની જેવલીન થ્રો ઈવેન્ટમાં ગોલ્ડ
ભારતીય મહિલા હોકી ટીમ આઠ વર્ષ બાદ વર્લ્ડ કપમાં ભાગ લેશે
ઈંગ્લેન્ડ સામે પહેલી ત્રણ ટેસ્ટ માટે ટીમ ઈન્ડિયાની જાહેરાત
ઈંગ્લેન્ડ સામે આખરી વન-ડે ની હાર સાથે ભારતે ૨-૧થી શ્રેણી પણ ગુમાવી
માધુરીએ પ્રિયંકાને જન્મદિવસની શુભેચ્છા આપતી વખતે 'સ્મોલ ટાઉન ગર્લ' કહ્યું
મલાઈકા અરોરાને સમયસર પેમેન્ટ ન મળતાં ઓસ્ટ્રેલિયન શો રદ
તારક મહેતા કા ઉલ્ટા ચશ્મામાં યથાવત રહેશે ડો.હાથીનુ પાત્ર
મલૈકાએે ઓસ્ટ્રેલિયાની ટુર રદ કરી
હાથીઓની કત્લેઆમ રોકો પ્લીઝ...
ટીવી સ્ટાર અભિષેક બજાજને કરણે સાઇન કર્યો
કંચના ૩ યુ ટયુબ પર નંબર વન છે
-
NATIONAL
-
INTERNATIONAL
-
BUSINESS
-
Religion & Astro
-
NRI News
